{"id":25616,"date":"2016-03-15T19:58:07","date_gmt":"2016-03-15T19:58:07","guid":{"rendered":"https:\/\/desarrollo.clusterturismogalicia.com\/a-ulloa-acolle-a-cea-anual-dos-hostaleiros-lucenses\/"},"modified":"2016-03-15T19:58:07","modified_gmt":"2016-03-15T18:58:07","slug":"a-ulloa-acolle-a-cea-anual-dos-hostaleiros-lucenses","status":"publish","type":"post","link":"https:\/\/desarrollo.clusterturismogalicia.com\/gl\/a-ulloa-acolle-a-cea-anual-dos-hostaleiros-lucenses\/","title":{"rendered":"A Ulloa acolle a cea anual dos hostaleiros lucenses"},"content":{"rendered":"

O director da Casa de Galicia en Madrid, Jos\u00e9 Ram\u00f3n \u00d3nega, recibiu a Medalla de ouro da APEHL<\/h4>\n

A comarca da Ulloa e en concreto o restaurante Val de Antas de Ulla, foi o escenario elixido este ano para o encontro dos profesionais da hostalar\u00eda da provincia de Lugo no que se fai a entrega de galard\u00f3ns da Asociaci\u00f3n Provincial de Empresarios de Hostalar\u00eda e Turismo de Lugo (APEHL)<\/a>. Neste acto, a entidade fai un reco\u00f1ecemento a hostaleiros cunha longa traxectoria no sector e as persoas ou a colectivos que colaboran na difusi\u00f3n dos atractivos tur\u00edsticos da provincia desde os seus respectivos \u00e1mbitos laborais.<\/p>\n

Precisamente por este labor de difusi\u00f3n dos atractivos tur\u00edsticos de Lugo, por reivindicar a s\u00faa orixe lucense e polo seu apoio incondicional \u00e1 marca gastrotur\u00edstica E para comer, Lugo<\/strong>, Jos\u00e9 Ram\u00f3n \u00d3nega L\u00f3pez recibiu a Medalla de Ouro da Apehl de mans do seu presidente, Chech\u00e9 Real, quen, posteriormente, destacou no seu discurso o seu labor \u00e1 fronte da Casa de Galicia en Madrid<\/a>, “instituci\u00f3n desde a que proxecta as excelencias da nosa comunidade aut\u00f3noma no exterior” e que sempre pon \u00e1 disposici\u00f3n desta Asociaci\u00f3n.<\/p>\n

As\u00ed mesmo, a asociaci\u00f3n de hostaleiros lucenses tam\u00e9n quixo p\u00f3r de relevo o m\u00e9rito do compromiso coa marca E para comer, Lugo<\/strong> de tres organizaci\u00f3ns que levan tempo colaborando en diversas iniciativas da Apehl: a Asociaci\u00f3n de Avicultores da Raza Gali\u00f1a de Mos (Avim\u00f3s), Armadores de Burela e o Consello Regulador da Denominaci\u00f3n de Orixe Ribeira Sacra, que foron nomeados Embaixadores Hostaleiros da Provincia de Lugo. Real referiuse a elas como “tres entidades que, cada unha no seu respectivo \u00e1mbito, esf\u00f3rzanse por mellorar a calidade das materias primas”. Por \u00faltimo, o Premio a toda unha vida nos fog\u00f3ns recaeu no hostaleiro Jos\u00e9 Antonio Pardo Portome\u00f1e, propietario do restaurante Pacior de Monterroso, que el mesmo fundou, xunto \u00e1 s\u00faa muller, no ano 1981.<\/p>\n

A gala, conducida un ano m\u00e1is polo xornalista Ant\u00f3n Grande, reuniu no Restaurante Val m\u00e1is dun centenar de hostaleiros chegados desde diversos puntos da provincia e contou coa presenza de representantes da sociedade e da pol\u00edtica lucense e galega, entre eles os alcaldes de Antas de Ulla, de Monterroso e de Pol, Javier Varela, Jes\u00fas Otero e Li\u00f1o Rodr\u00edguez, respectivamente; a responsable da \u00e1rea de Turismo da Deputaci\u00f3n de Lugo, Eduardo Vidal; o subdelegado do Goberno, Ram\u00f3n Carballo; a delegada territorial da Xunta de Galicia en Lugo, Raquel Arias; a directora de Turismo de Galicia, Nava Castro, e o presidente do CD Lugo, Tino Saqu\u00e9s.<\/p>\n