Renfe – Página 2 – Desarrollo CTG

O Tren Al-Andalus regresa a Galicia

julio 16, 2015 por admin

Por tercer ano consecutivo o Tren de luxo Al Andalus achégase en dous dos seus percorridos a Galicia. No primeiro deles remata este venres na Coruña despois de ter saído de León e pasar por Monforte, Astorga, a Ribeira Sacra, Ourense, Vilagarcía de Arousa e Santiago de Compostela. A segunda das viaxes que achegará este convoi especial ata Galicia producirase a semana que ven, entre o 20 e o 24 de xullo, co mesmo percorrido, o Itinerario Camiño de Santiago.

Ademais de pasar por estas poboacións, esta viaxe inclúe tamén a visita a adegas na Ribeira Sacra, paseo con catamarán, xornada termal en Ourense, visitas ás cidades e comidas especialmente elaboradas cos mellores produtos gastronómicos galegos e moitas outras comodidades propias dunha viaxe de alta gama.

Non en van o Al Andalus é probablemente o máis amplo e espacioso tres turístico do mundo. No seu interior atopamos a decoración típica dos anos 20 do pasado século que crea un ambiente belle epoque sen renunciar as novidades tecnolóxicas necesarias nun tren actual. Todo elo o convirte nunha das maiores xoias ferroviarias do mundo.

Os trens turísticos de Galicia reciben o premio ao Mellor Produto de Turismo Nacional

mayo 12, 2015 por admin

Destacados na modalidade de cultura, a directora de Turismo de Galicia, Nava Castro, foi a encargada de recoller o galardón na XX edición dos Premios de Turismo Activo de Fitur

Como elemento que promove a excelencia e a innovación no turismo, os Trens Turísticos de Galicia recibiron o recoñecemento como Mellor Produto de Turismo Nacional na XX edición dos Premios de Turismo Activo que leva adiante a Secretaría do Estado de Turismo a proposta do órgano de goberno do IFEMA e do comité organizador de Fitur. Con estes premios recoñécense os esforzos de empresas, profesionais e entidades na potenciación da excelencia do sector turístico en España. É o caso dos Trens Turísticos galegos, exemplo de creación dun novo produto que diversifica a oferta cultural e contribúe ao desenvolvemente sostible.

O xurado destacou o traballo de Turismo de Galicia no desenvolvemento de proxectos que amplían a oferta turística da comunidade a través da adopción de políticas turísticas que fomentan o desenvolvemento sostible proporcionando ao viaxeiro un novo modo de descubrir algúns dos recursos turísticos máis singulares de Galicia combinando os desprazamentos en tren con outros en autobús, catamarán ou incluso barco para achegarse dunha maneira diferente aos recursos relacionados coa paisaxe, a natureza, a viticultura, a enoloxía ou a botánica.

Un proxecto turístico pioneiro e innovador

Galicia a todo tren naceu como un proxecto turístico pioneiro e neste ano 2015 celebrará xa a súa terceira edición grazas á colaboración interinstitucional entre a Xunta de Galicia, Renfe e a Deputación de Ourense.

Neste ano, na súa terceira edición, os trens turísticos de Galicia continuarán ofrecendo sete rutas que permiten descubrir diferentes zonas da nosa comunidade con variadas temáticas: a Ruta dos Faros, a Ruta dos Pazos e Xardíns Históricos e as cinco Rutas do Viño que recorrerán os distintos territorios onde se producen as denominacións vitivinícolas galegas: Rías Baixas, Ribeira Sacra, Ribeiro, Monterrei e Valdeorras. Sen esquecer o Tren Peregrino, que posibilitará a realización do Camiño de Santiago desde Madrid a bordo dun cómodo Tren Hotel; e o Tren dos Balnearios, unha nova posibilidade dirixida a maiores de 50 anos que brindará a posibilidade de aloxarse nun balneario ourensán e realizar circuítos culturais pola zona elixida.

Así mesmo, volve nesta nova edición o Galicia Rail Pass que un ano máis permitirá a peregrinos e turistas que cheguen a Galicia en trens de largo percorrido ou co pase dos trens turísticos utilizar os trens da rede de Renfe en Galicia cantas veces queiran o fins de semana, pontes e festivos do verán; e o Tren Al Andalus que percorrerá no mes de xullo o traxecto León – Santiago de Compostela.

Galicia a todo tren trae como principal novidade o Tren Peregrino

abril 11, 2015 por admin

O éxito de pasadas convocatorias fai posible esta terceira convocatoria que conta coa colaboración da Xunta, RENFE e a Deputación de Ourense

Co obxectivo de proporcionar ao viaxeiro un novo xeito de descubrir os recursos turísticos de Galicia volve a poñerse en marcha a 3ª edición do programa “Galicia a todo tren”, que foi presentado na Casa de Galicia en Madrid nun acto no que a directora de Turismo de Galicia, Nava Castro agradeceu a “intensa colaboración de Renfe e mais da Deputación de Ourense a través do Inorde” pola posta en marcha deste “proxecto diferencial que incrementa a competitividade da oferta turística de Galicia”.

Nesta nova edición continuaranse ofertando sete rutas que permiten descubrir as diferentes zonas de Galicia con variadas temáticas: a Ruta dos Faros, a Ruta dos Pazos e Xardíns Históricos e as cinco Rutas do Viño que recorrerán os distintos territorios onde se producen as denominacións vitivinícolas galegas: Rías Baixas, Ribeira Sacra, Ribeiro, Monterrei e Valdeorras. Segundo sinalou a directora de Turismo de Galicia, Nava Castro, estes sete itinerarios estarán constituídos por 57 trens que ofertarán un total de 2.524 prazas, 74 prazas máis que o pasado ano.

Non obstante, esta nova edición trae algunhas novidades. Así, a Ruta do Viño de Monterrei inclúe neste ano a visita ao Castelo de Monterrei, onde os turistas poderán realizar o Túnel do Viño e vivirán un espectáculo sorpresa; nas rutas do viño Ribeiro e Rías Baixas, se realizará unha visita ao Centro de Interpretación do Viño e a Lamprea de Arbo e ao Mosteiro de San Clodio; e a ruta da Ribeira Sacra incorpora como novidade a visita ao Mosteiro de San Estevo de Sil.

Ademais, os maiores de 50 anos terán a posibilidade de disfrutar do Tren dos Balnearios, que permitirá aos seus usuarios aloxarse durante 6 días, en réxime de pensión completa, nos balnearios ourensáns de Laias, Carballiño, Arnoia, Baños de Molgas o Lobios e realizar circuítos culturais pola zona elixida.

Principal novidade, o Tren Peregrino

Sen embargo, a principal novidade desta edición,é a creación do Tren Peregrino que posibilitará a realización do Camiño de Santiago desde Madrid dunha maneira diferente, a bordo dun cómodo Tren Hotel no que os pasaxeiros disporán de aloxamento na Cabina Gran Clase e restauración no propio convoi. Con esta nova proposta os pasaxeiros poderán realizar diferentes etapas do Camiño de Santiago a pe ou en bicicleta, ou ben coñecer as diversas cidades nas que estaciona o tren con visitas guiadas e outras actividades.

Así mesmo, continúa nesta nova edición o Galicia Rail Pass que un ano máis permitirá a peregrinos e turistas que cheguen a Galicia en trens de largo percorrido ou co pase dos trens turísticos utilizar os trens da rede de RENFE en Galicia cantas veces queiran durante tres días en fins de semana, pontes e festivos, e na temporada de verán. Tamén, chegará a Galicia un verán máis o Tren Al Andalus que percorrerá no mes de xullo o traxecto León – Santiago de Compostela.

A oferta de Galicia a todo tren, continúa ano a ano a incrementarse, como resposta aos bos resultados acadados xa que estes trens turísticos rexistraron máis de dous mil viaxeiros e unha ocupación media do 82%, alcanzando as rutas de Valdeorras-Ribeira Sacra e a que circulou exclusivamente pola Ribeira Sacra unha ocupación do 100%.